Almennar upplýsingar um námið
Haldið í samstarfi við IÐUNA fræðslusetur
Námskeiðið hentar öllum þeim sem vilja fræðast um sveppi sem finna má á Íslandi og henta í matargerð og hvaða sveppir henta ekki.
Námskeiðið skiptist í tvennt, fyrri hlutinn er á formi fyrirlestra og sýnikennslu í greiningu og frágangi sveppa en í seinni hlutanum er farið út í skóglendi í verklega kennslu. Nemendur fara þá út ásamt kennara og fá aðstoð og kennslu við þær aðferðir sem notaðar eru til að tína matarsveppi. Þá læra nemendur að greina og hreinsa sveppi. Fjallað verður um helstu geymsluaðferðir sveppa og eins helstu nýtingarmöguleika.
Nemendur mæta í fatnaði sem hæfir veðri, taka með sér körfur eða fötur til að tína sveppina í, stækkunargler eða lúpur sem stækka 10-20x, heppilegan hníf fyrir hreinsun og ílát fyrir uppskeruna til að taka með heim. Þá viljum við benda nemendum á að mæta með nesti fyrir hádegismat og síðdegissnarl.
Tími: Næsta námskeið er haldið í lok ágúst 2024hjá LbhÍ á Keldnaholti í Reykjavík og nærliggjandi skóglendi
Umsókn
UMSAGNIR
„Frábært að fá persónulega kennslu í litlum hóp áhugasamra nemenda.”
„Tenging námskeiðsins við eldhúsið, þ.e. að kenna okkur að steikja og almennt nýta sveppina var alveg frábær. Ekki hefði mér dottið í hug að mismunandi sveppir væru svona mismunandi á bragðið!.”
„Virkilega fræðandi og skemmtilegt námskeið sem ég mæli 100% með.”
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590
